BAKI,VOA,Yusif Şərifzadə
Neft qiymətlərinin gözləniləndən daha sürətlə aşağı düşməsi Avropa Mərkəzi Bankı üçün əlavə imkan yaradıb və qurum növbəti qərarını sentyabr ayında açıqlanacaq yeni iqtisadi proqnozlardan sonra verə bilər.
VOA xəbər verir ki, bu barədə Sloveniya Mərkəzi Bankının rəhbəri Primoj Dolens bildirib.
Onun sözlərinə görə, enerji qiymətlərinin sürətlə ucuzlaşması Avropa Mərkəzi Bankına vəziyyəti daha diqqətlə qiymətləndirmək üçün vaxt qazandırıb.
Primoj Dolens xatırladıb ki, qurum iyun ayında enerji qiymətlərindən qaynaqlanan inflyasiya riskinin iqtisadiyyata yayılmasının qarşısını almaq məqsədilə faiz dərəcələrini artırmışdı.
Hazırda isə Avropa Mərkəzi Bankının rəhbərliyi növbəti faiz artımının iyul, yoxsa sentyabr ayında həyata keçirilməsinin daha məqsədəuyğun olmasını müzakirə edir.