BAKI,VOA, Nailə Babazadə
İsrail kİV-ləri İran İslam İnqilabı Keşikçiləri Korpusunun (SEPAH) Hərbi Dəniz Qüvvələrinin komandanı Əlirza Təngsirinin hava zərbəsi nəticəsində həlak olduğunu irəli sürüb.
VOA xəbər verir ki, məlumata görə, Təngsiri Bəndər-Abbas şəhərinə təşkil edilən hava hücumu zamanı hədəf alınıb.
İran rəsmiləri bu iddialarla bağlı hələlik hər hansı bəyanat yaymayıblar. Qeyd edək ki, fevralın 28-dən etibarən ABŞ və İsrailin İrana qarşı başlatdığı genişmiqyaslı hərbi əməliyyatlar nəticəsində bir çox yüksək rütbəli hərbçi və dövlət rəsmisi həyatını itirib. Əlirza Təngsirinin ölümü təsdiqlənərsə, bu, İran donanması üçün növbəti ağır itki hesab olunacaq.