BAKI, AzerVoice

Trampa sui-qəsd istintaqı genişlənir - ABŞ Məxfi Xidmətində 6 əməkdaş işdən çıxarılıb.

AzerVoice xəbər verir ki, 2024-cü ilin 13 iyul tarixində Donald Trampa qarşı törədilən sui-qəsd cəhdindən sonra aparılan istintaq nəticəsində ABŞ Məxfi Xidmətinin altı əməkdaşı işdən kənarlaşdırılıb.

Məxfi Xidmətin direktor müavini Metyu Quinn-in açıqlamasına görə, bu qərar həm nəzarətçi, həm də sahə əməkdaşları barədə verilib. Onlar 10 ilə 42 gün arasında müddətlərə işdən çıxarılıb və həmin dövrdə maaş və müavinət hüquqlarından məhrum ediliblər.

Quinn sui-qəsd cəhdini "əməliyyat səhvi" adlandıraraq, gələcəkdə bu kimi hadisələrin qarşısının alınması üçün ciddi tədbirlərin görüldüyünü vurğulayıb.

Qeyd edək ki, 13 iyul 2024-cü ildə Donald Tramp Pensilvaniya ştatının Butler şəhərində mitinq zamanı atəşə tutulmuş, nəticədə bir nəfər həlak olmuş, iki nəfər yaralanmışdı. ABŞ Məxfi Xidməti hücumçunun zərərsizləşdirildiyini, FBI isə onun 20 yaşlı Tomas Metyu Kruks olduğunu açıqlamışdı. Hadisədən sonra Məxfi Xidmət ciddi təhlükəsizlik boşluqları və rabitə çatışmazlığı səbəbilə sərt tənqidlərə məruz qalmışdı.