Bakı, AzerVoice 

İsveçrə bələdiyyə şurasının üzvü Hz. İsa və Hz. Məryəm afişalarına atəş açdığı üçün mənsub olduğu partiyadan və işlədiyi şirkətdən çıxarılıb.

AzerVoice xəbər verir ki, İsveçrənin Sürix şəhərində bələdiyyə məclis üzvü olan Sanija Ameti 14-cü əsrə aid Hz. Məryəm və Hz. İsanın rəsminin auksionu ilə bağlı hazırlanmış posterə idman tapançası ilə atəş açaraq daha sonra onların güllələnmiş üzlərinin şəkillərini sosial mediada paylaşıb.

Yaşıl Liberal Partiyasının üzvü olan 32 yaşlı xanım görüntüləri həftəsonu İnstaqramda yayımladıqdan sonra onu sürətlə şəkildə silib.

Daha sonra o, sosial mediada təxminən 10 metrdən hədəfi vurmağı məşq etdiyini və afişadan yalnız atəş açmaq üçün "kifayət qədər böyük" hədəf olduğu üçün istifadə etdiyini deyib.

Ameti "Yazıma görə inciyən insanlardan üzr istəyirəm. Onun dini məzmun daşıdığını anlayanda dərhal sildim. Bu barədə heç düşünməmişdim" deyib.

Yaşıl Liberal Partiyasının Sürix şöbəsi milli təşkilat tərəfindən Ametiyə qarşı partiyadan çıxarılma qərarı verildiyini bildirib. Ameti-nin işlədiyi konsaltinq firması Farner Group da bazar ertəsi yazdığı bir e-poçt məktubunda Ameti ilə "iş əlaqələrini dayandırmaq" qərarına gəldiklərini deyib.

Qeyd edək ki, odlu silal həvəskarı olan və kibertəhlükəsizlik sahəsində ixtisaslaşmış bir hüquqşünas sayılan Ameti keçmişdə populist İsveçrə Xalq Partiyasının üzvləri ilə keçirilən tədbirdə hərbi forma geyinmək və ailə köklərinin gəldiyi Albaniyada təşviqat plakatları asmaq kimi nümayişlər də keçirib.