Bakı,AzerVoice
ABŞ-ın maliyyə naziri Canet Yellen və Avropanın iqtisadi məsələlər üzrə komissarı Paolo Gentiloni Rusiyanın Qərb tərəfindən dondurulmuş suveren aktivlərindən Ukraynaya kreditlərin verilməsi üçün “növbəti addımları” nəzərdən keçirib.
AzerVoice-in məlumatına görə, bu barədə ABŞ Maliyyə Nazirliyinin mətbuat xidməti bildirib.
Məlumata əsasən, C.Yellen və P.Gentiloni Rio-de-Janeyroda 20-lər qrupunun maliyyə nazirlikləri və mərkəzi banklarının rəhbərlərinin toplantısı çərçivəsində görüşüblər.
"Nazir və Avropa komissarı uzunmüddətli yenidənqurma da daxil olmaqla, Ukraynaya yardım etmək üçün Rusiyanın hərəkətsizləşdirilmiş suveren aktivlərindən faydalanmaq üçün Apuliyada "G7" liderlərinin üzərinə götürdükləri öhdəliklərin yerinə yetirilməsi üzrə növbəti addımları müzakirə etdilər", - deyə bildirilib.