Bakı, AzerVoice
ABŞ-da "McDonald's" fast food şəbəkəsində ölümcül epidemiyaya səbəb olan qida aşkar edilib.
AzerVoice xəbər verir ki, ABŞ Xəstəliklərə Nəzarət və Qarşısının Alınması Mərkəzi (CDC) McDonald's restoranlarında 90 nəfərin xəstələnməsinə səbəb olan E. coli epidemiyasının mənbəyinin doğranmış baş soğan olduğunu açıqlayıb.
CDC-yə görə, bu soğanlar McDonald's-ın Quarter Pounder və bəzi digər menyularında istifadə edilir və Taylor Farms tərəfindən tədarük edilib. Hdisədən sonra şirkət bu məhsulları könüllü olaraq geri çağırıb, McDonald's isə bu qidanı menyudan çıxarıb.
Qeyd edək ki, ABŞ-da ilk halı sentyabrın 27-də qeydə alınan "McDonald's" fast food şəbəkəsində bağırsaq çöpləri infeksiyası xəstəliyinə yoluxmuş bir nəfər ölüb, daha on nəfər isə xəstəxanaya yerləşdirilib. Bakteriyanın yaratdığı hemolitik-uremik sindromun inkişafı nəticəsində isə Koloradoda bir nəfər ölüb.