BAKI,VOA Orxan Qədirzadə

Mişiqan ştatında Demokratlar Partiyasının Senata namizədlik üzrə ilkin seçkisində misir əsilli müsəlman həkim Əbdürrəhman Məhəmməd Seyyidin (Abdul) qalib gəlməsi ABŞ-da müsəlman prezidentin mümkünlüyü ilə bağlı müzakirələri yenidən gündəmə gətirib.

ABŞ Konstitusiyası prezident vəzifəsi üçün namizədin dini mənsubiyyətinə məhdudiyyət qoymur. Namizəd ABŞ vətəndaşı olaraq doğulmalı, ən azı 35 yaşında olmalı və ölkədə minimum 14 il yaşamış olmalıdır.

Abdulun qələbəsi bəzi siyasi dairələrdə müsəlman siyasətçinin gələcəkdə Ağ Ev uğrunda mübarizə apara biləcəyi ehtimalını gücləndirib. ABŞ vitse-prezidenti Cey Di Vens isə onun qələbəsinə sərt reaksiya verərək Abdulun gələcəkdə prezident seçilməsi ehtimalına qarşı çıxıb.

Ekspertlər tərəfindən ABŞ-da müsəlmanların siyasi təmsilçiliyinin son illərdə artdığı, Avropada isə müsəlman siyasətçilərin daha yüksək dövlət vəzifələrinə yüksəldiyi vurğulanır. Şotlandiyanın keçmiş baş naziri Həmzə Yusif, Böyük Britaniyada daxili işlər naziri Şəbana Mahmud və London meri Sadiq Xan bu prosesə nümunə kimi göstərilir.

Analitiklər ABŞ və Avropada dinin siyasi və ictimai həyatdakı rolunun fərqli olduğunu bildirərək, müsəlmanların siyasi yüksəlişinin hər iki regionda fərqli reaksiyalar doğurduğunu qeyd edir.