BAKI,VOA,Yusif Şərifzadə
İsrail ordusu İranda baş verən son hadisələri yaxından izlədiyini və mümkün bütün ssenarilərə hazır olduğunu açıqlayıb.
VOA xəbər verir ki, İsrail ordusundakı mənbə ölkənin Körfəz bölgəsindəki vəziyyəti diqqətlə izlədiyini bildirib. Mənbənin sözlərinə görə, İsrail İranla bağlı gərginliyin artmasını gözlənilməz hesab etmir və hesab edir ki, Tehran ABŞ-ın irəli sürdüyü tələbləri yerinə yetirə bilməyəcək.
İsrail ordusundakı mənbə qeyd edib ki, Silahlı Qüvvələr əvvəlki günlərdə olduğu kimi yüksək döyüş hazırlığı vəziyyətindədir. O vurğulayıb ki, hücum və ya müdafiə xarakterli istənilən əməliyyatın həyata keçirilməsi tələb olunarsa, İsrail buna tam hazırdır.
Mənbənin sözlərinə görə, hazırda İranla bağlı danışıqları ABŞ aparır və ötən gecə İrana qarşı hərbi əməliyyatları da Vaşinqton həyata keçirib.