BAKI,VOA,Yusif Şərifzadə
Misir Xarici İşlər Naziri Badr Əbdülatti telefon vasitəsilə Livan Milli Məclisinin sədri Nəbih Berri ilə görüşərək Livandakı son inkişaflar və Yaxın Şərqdə gərginliyin azaldılması səylərini müzakirə edib.
VOA xəbər verir ki, Əbdülatti Kaironun Livanın suverenliyi, vahidliyi və ərazi bütövlüyünü dəstəklədiyini vurğulayıb. O, ABŞ tərəfindən hazırlanmış “çərçivə sazişi”ndən istifadə etməklə İsrailin Livan ərazilərindən tam çıxarılmasının vacibliyini qeyd edib.
Nəbih Berri isə Misirin bu mürəkkəb vəziyyətdə verdiyi dəstəyi yüksək qiymətləndirib. Telefon danışığı Livanda İsraillə saziş ətrafında mövcud olan fikir ayrılıqları fonunda baş tutub. ABŞ sazişi İsrail və Hizbullah arasındakı aylardır davam edən döyüşləri dayandırmaq üçün ilk addım kimi qiymətləndirir.
Berri, həmçinin, Livan hökuməti ilə Hizbullah arasında vasitəçi kimi çıxış edən Amal Hərəkatının rəhbəri olaraq sakinləri sakit olmağa çağırıb, lakin sazişi bir tərəfli adlandıraraq tənqid edib.