BAKI,VOA, Fərid Mikayılov
Macarıstanın sabiq Baş naziri Viktor Orbanın siyasi səhnədən çəkilməsi Aİ-də Ukraynanın üzvlük prosesinə dair müzakirələri yenidən gündəmə gətirib.
VOA xəbər verir ki, Macarıstanın tətbiq etdiyi veto uzun müddət Ukraynanın Aİ-yə inteqrasiyasını faktiki olaraq bloklayıb.
Hazırda Brüssel bu maneənin aradan qalxacağına ümid etsə də, prosesin qarşısında ciddi siyasi və hüquqi çətinliklər qalır.
Bildirilib ki, Ukrayna formal olaraq üzvlük danışıqlarına başlamağa hazır olsa da, praktiki mərhələyə keçid hələ mümkün deyil. Aİ liderləri isə bir tərəfdən Kiyevə dəstək verir, digər tərəfdən isə üzvlük prosesinin uzunmüddətli olacağını vurğulayırlar.
Qeyd olunub ki, əsas problemlər sırasında Ukraynanın müharibə şəraitində olması, ərazilərinin bir hissəsinin işğal altında qalması, həmçinin iqtisadi və institusional uyğunlaşma məsələləri yer alır.