BAKI,VOA, Fərid Mikayılov
Küveytdə pilotsuz uçuş aparatının hücumu nəticəsində yaralananlar var.
VOA xəbər verir ki, Küveyt Müdafiə Nazirliyinin sözçüsü polkovnik Suud əl-Atvan ölkənin cənubunda yerləşən bir binaya pilotsuz uçuş aparatının (PUA) zərbə endirdiyini bildirib.
Onun sözlərinə görə, hadisə nəticəsində iki nəfər yaralanıb, hücum edilən binada isə maddi ziyan qeydə alınıb.
Yaralıların tibbi yardım üçün xəstəxanaya yerləşdirildiyi bildirilib.
Yanğınsöndürmə Xidmətinin sözçüsü Məhəmməd əl-Qərib hadisə zamanı binada yaşayan sakinlərin təxliyə edildiyini və hücumdan sonra yaranan yanğının qısa müddətdə söndürüldüyünü açıqlayıb.
Qeyd edək ki, Yaxın Şərqdə gərginliyin artması fonunda region ölkələrində dron və raket hücumları ilə bağlı təhlükəsizlik tədbirləri gücləndirilib.