BAKI,AzerVoice, Fərid Mikayılov

İsrail Baş Naziri Benyamin Netanyahu, ABŞ Prezidenti Donald Tramp tərəfindən yaradılan Sülh Şurasına qoşulmağa razılıq verib.

AzerVoicexəbər verir ki, şura, Tramp tərəfindən idarə olunur və ilkin olaraq Qəzza atəşkəs planını izləyəcək dünya liderləri qrupu kimi nəzərdə tutulmuşdu.

Əvvəlcə Netanyahu ofisi bildirib ki, icra komitəsi, daxilində Türkiyə kimi regional rəqiblərin də olduğu struktur, İsrail hökuməti ilə koordinasiya olunmayıb və "siyasətimizə ziddir". İsrailin sağçı maliyyə naziri Bezalel Smotrich isə şurayı tənqid edərək, Qəzzanın gələcəyi üçün İsrailin təkbaşına məsuliyyət götürməsini tələb edib.

Şuraya qatılan digər ölkələr arasında BƏƏ, Mərakeş, Vyetnam, Belarus, Macarıstan, Qazaxıstan və Argentina yer alır. Böyük Britaniya, Rusiya və Avropa İttifaqının icra orqanı dəvət almasına baxmayaraq, hələ cavab verməyib.

Tramp, Davos Dünya İqtisadi Forumunda daha çox detallar təqdim etməyi planlaşdırır. Hələlik, neçə və hansı liderlərin dəvət alacağı dəqiqləşməyib.

Tramp jurnalistlərin “Şura BMT-nin yerini tuta bilərmi?” sualına cavabında, “Mümkündür” deyib. O, dünya təşkilatının “çox faydalı olmadığını” və “potensialını heç vaxt tam həyata keçirmədiyini” söyləyib, lakin BMT-nin “potensialı böyük olduğu üçün” fəaliyyətini davam etdirməli olduğunu vurğulayıb.

İcra şurasının üzvləri arasında ABŞ Dövlət Katibi Marko Rubio, Trampın xüsusi nümayəndəsi Stiv Vitkoff, Trampın kürəkəni Cared Kuşner, keçmiş Britaniya Baş Naziri Toni Blair, Apollo Global CEO Mark Rovan, Dünya Bankının prezidenti Ajay Banga və Trampın təhlükəsizlik müşaviri Robert Qabriel yer alır.

Eyni zamanda, Qəzza İcra Şurası da təsis olunub. Bu şura atəşkəsin ikinci mərhələsini həyata keçirəcək: Beynəlxalq təhlükəsizlik qüvvələrinin yerləşdirilməsi, HƏMAS-ın silahsızlaşdırılması və müharibədən zərər görmüş ərazilərin bərpası.