BAKI, AzerVoice, Orxan Qədirzadə
İtaliya və Yaponiya liderləri arasında simvolik paylaşım sosial şəbəkələrdə geniş diqqət çəkib.
AzerVoice xəbər verir ki, İtaliyanın Baş naziri Corcia Meloni X sosial şəbəkəsində Yaponiyanın Baş naziri Sanae Takaici ilə çəkdirdiyi selfinin süni intellekt vasitəsilə hazırlanmış, anime üslublu versiyasını paylaşıb. Paylaşımda iki ölkə arasında artan yaxınlıq və dostluq mesajları ön plana çıxarılıb.
Meloni paylaşımında coğrafi baxımdan bir-birindən uzaq olsalar da, getdikcə yaxınlaşan iki xalqın qarşılıqlı anlaşma və dostluq münasibətlərinə diqqət çəkib. O, Sanae Takaichi ilə münasibətləri “dostluq və qarşılıqlı anlaşma” kimi xarakterizə edib.
Qeyd edək ki, İtaliya və Yaponiya sonuncu dəfə bu səviyyədə yaxın münasibətlərə İkinci Dünya Müharibəsi dövründə malik olublar.
Sosial şəbəkə istifadəçiləri süni intellektlə hazırlanmış anime üslublu təsviri müasir diplomatiyada yumşaq güc və simvolik ünsiyyət nümunəsi kimi dəyərləndiriblər.
