BAKI,VOA

İtaliyanın Baş naziri Ciorcia Meloni dünən internetdə yayılan, süni intellekt tərəfindən yaradılmış şəkillərini pisləyib və "inanmazdan əvvəl yoxlayın, paylaşmazdan əvvəl inanın" çağırışını edib və qeyd edib ki, bu şəkillər onu olduqca narahat edib.

VOA xəbər verir ki, Meloni sosial media hesablarında paylaşdığı yazılarda, bəzilərinə alt paltarında olan saxta fotosunu da əlavə edərək bildirib: "Son günlərdə süni intellekt vasitəsilə yaradılan və bəzi qatı rəqiblər tərəfindən realmış kimi təqdim olunan bir sıra şəkillərim dövriyyədədir".

"Həqiqət budur ki, bəziləri başqalarına hücum etmək və yalan uydurmaq məsələsində bu günlərdə istənilən vasitədən istifadə edirlər"-deyə o əlavə edib.

Meloni vurğulayıb ki, "deepfake" (dərin saxtakarlıq) texnologiyası "təhlükəli bir vasitədir, çünki o, hər kəsi aldada, yanılda və təsir altına sala bilər. Mən özümü müdafiə edə bilirəm, lakin məndən başqa bir çoxları bunu bacarmır".

O, sözlərini belə tamamlayıb: "Buna görə də həmişə bir qayda olmalıdır: inanmazdan əvvəl yoxla, paylaşmazdan əvvəl inan. Çünki bu gün mənim başıma gələnlər sabah hər kəsin başına gələ bilər".