BAKI, AzerVoice, Nailə Babazadə
ABŞ Prezidenti Donald Tramp, Vaşinqtonda federal edam cəzasının tam şəkildə tətbiqi üçün fərman imzalayıb.
AzerVoice xəbər verir ki, Ağ Evdən verilən açıqlamada, federal prokurorların bölgədəki uyğun işlərdə edam cəzası tələb edə biləcəyi vurğulanıb. Eyni zamanda baş prokuror və Vaşinqton bölgə prokuroruna, Vaşinqtonda törədilən və edamı tələb edən cinayətlərdə federal ədalət hakimiyyətindən maksimum səviyyədə istifadə etmələri tapşırılıb.
“Prezident Tramp, DC-də (Vaşinqton) ən ağır cinayətkarlarə qarşı edam cəzası qanununu tətbiq etməklə, ölkəmizin paytaxtını ziyarət edən və orada yaşayan bütün amerikalılar üçün təhlükəsizlik və cinayətkarların qanun qarşısında ən sərt nəticələrlə üzləşməsini təmin etmək əzmində olduğunu göstərir.” - deyə açıqlamada qeyd edilib.
Vaşinqtonun ölkənin ən təhlükəli şəhərlərindən biri olduğu bildirilib və şəhərin cinayət nisbətinin Nyu Yorkdan təxminən 6 dəfə çox olduğu vurğulanıb.