BAKI.AzerVoice
ABŞ Dövlət Departamenti Kiyev hökumətinə 322 milyon dollarlıq silah satışını təsdiqləyib.
AzerVoice xəbər verir ki, ABŞ Dövlət Departamenti Ukraynaya silah satışı ilə bağlı açıqlama yayıb.
Bəyanatda Kiyev hökumətinə 322 milyon dollar dəyərində silah satışı Ukraynanın hava hücumundan müdafiə imkanlarını artırmaq və zirehli döyüş texnikası ilə təmin etmək üçün təsdiqləndiyi bildirilib.
Konqresə göndərilən bildirişə əsasən, ABŞ istehsalı olan zirehli texnikanın alınması, texniki xidməti, təmiri və modernləşdirilməsi üçün 150 milyon dollar, yer-hava raket sistemləri üçün isə 172 milyon dollar büdcə ayrılıb.
ABŞ prezidenti Donald Tramp iyulun 14-də Ağ Evdə keçirdiyi mətbuat konfransında NATO-nun baş katibi Mark Rutte ilə Ukraynaya silah göndərilməsi ilə bağlı razılığa gəldiyini bildirib. O, ölkəsinin bu silahları istehsal edəcəyini və NATO müttəfiqlərinin xərclərini qarşılayacağını açıqlayıb.
"ABŞ-ın Ukraynaya silah vermə qərarı çox önəmlidir. Avropa dövlətləri ilə görüşəcəyəm və Ukrayna üçün hərbi yardım konteynerləri hazırlayacağıq"- deyə Rutte qeyd edib.