BAKI, AzerVoice

ABŞ-a məxsus "Fitzgerald" esminesi İranın xəbərdarlığından sonra Oman körfəzini tərk edib.

AzerVoice xəbər verir ki, bu barədə İranın "Tasnim" agentliyi məlumat yayıb.

Məlumata əsasən, İran Silahlı Qüvvələri ABŞ gəmisinin İran sahillərinə daxil olmağa cəhd etdiyini müəyyən etdikdən sonra havaya helikopter qaldırıb. Pilot esminesin heyətinə kursunu dəyişməsi ilə bağlı xəbərdarlıq ötürüb.

ABŞ hərbçiləri cavab olaraq öz helikopterlərini havaya qaldıracaqlarını bildiriblər. İran tərəfindən dəfələrlə edilən xəbərdarlıqlardan və "Fitzgerald" gəmisindən gələn təhdidlərdən sonra İranın hava hücumundan müdafiə sistemi komandanlığı prosesə müdaxilə edib. İran helikopterinin tam müdafiə sistemləri ilə təchiz olunduğunu və ABŞ gəmisinin cənub istiqamətində kursunu dəyişməli olduğunu bəyan edib.

İran hərbçilərinin iddiasına görə, bundan sonra ABŞ gəmisinin heyəti "İran Silahlı Qüvvələrinin nəzarəti altında körfəz sularını tərk etməyə məcbur qalıb".

Qeyd edək ki, oxşar hadisə 2016-cı ildə də baş vermişdi. ABŞ-ın "Riverine Command" gəmisindəki 10 dənizçi, Kətərəkdən Bəhreynə keçərkən Farsi Adasının üç mil daxilindəki İran ərazi sularına daxil oldu və İran İslam İnqilab Keşikçiləri Korpusu (SEPAH) tərəfindən 15 saatlıq saxlanıldı. Sonra diplomatların müdaxiləsiylə azad edildi.