BAKI, AzerVoice
ABŞ Prezidenti Donald Tramp bəyan edib ki, ümumi həcmi təxminən 1 trilyon dollar olan ölkənin müdafiə büdcəsini azaltmaq niyyətində deyil.
AzerVoice xəbər verir ki, bu barədə o, Nyu-York ştatındakı Vest-Poynt Hərbi Akademiyasının məzunları qarşısında çıxışı zamanı bildirib.
“Biz elə indicə 1 trilyon dollarlıq hərbi büdcə hazırladıq. Bəziləri məndən soruşur ki, onu azalda bilərəmmi? Mən onu 10 sent belə azaltmayacağam. Azalda biləcəyimiz başqa xərclər var” – deyə, ABŞ Prezidenti qeyd edib.
Tramp həmçinin qeyd edib ki, son dövrlərdə dünyada müharibə aparma üsulları xeyli dəyişib.
“İndi dronlar var. Bu isə sizdən yeni müharibə aparma üsullarını öyrənməyi tələb edir” – deyə, Tramp məzunlara müraciət edib.
Xatırladaq ki, bu ilin may ayının əvvəlində Ağ Ev 2026-cı maliyyə ili üçün (1 oktyabr 2025 – 30 sentyabr 2026) ABŞ büdcə layihəsini dərc edib. Layihədə müdafiə xarici xərclərin təxminən 22,6 faiz (təqribən 163 milyard dollar) azaldılması nəzərdə tutulur.