BAKI, AzerVoice
Ağ Ev, ABŞ dövlət katibi Marko Rubio-nun ən azı altı ay ərzində həm dövlət katibi, həm də prezidentin milli təhlükəsizlik üzrə müşaviri vəzifələrini birgə icra etməsini planlaşdırır.
AzerVoice xəbər verir ki, bu barədə "Politico" qəzeti məlumat yayıb.
Məlumatda bildirilir ki, Rubionun bu iki mühüm vəzifəni icra etməsi müvəqqəti olaraq nəzərdə tutulmayıb.
Məlumata görə, onu bu addımı atmağa şəxsən ABŞ prezidenti Donald Tramp və Ağ Ev administrasiyası razı salıblar.
Xatırladaq ki, mayın 1-də Tramp keçmiş milli təhlükəsizlik müşaviri Mayk Uoltsun ABŞ-ın BMT-dəki daimi nümayəndəsi təyin olunacağını açıqlamışdı.
Qeyd edək ki, bu iki yüksək vəzifəni eyni vaxtda sonuncu dəfə 1973–1975-ci illərdə Henri Kissincer icra etmişdi.