BAKI, AzerVoice
ABŞ Prezidenti Donald Tramp, İranın neft və neft-kimya məhsullarının bütün alqı-satqılarının dərhal dayandırılmasını tələb edib.
AzerVoice xəbər verir ki, bu barədə Trampın Truth Social sosial şəbəkəsində verdiyi açıqlamada deyilir.
Açıqlamada, Tramp həmçinin bu qadağanı pozanlara qarşı ikinci dərəcəli sanksiyaların tətbiq olunacağı ilə hədələyib.
“İranın istənilən miqdarda neft və ya neft-kimya məhsulunun alışı dərhal dayandırılmalıdır! İrandan bu məhsulları alan istənilən ölkə və ya şəxs dərhal ikinci dərəcəli sanksiyalara məruz qalacaq” - deyə, Tramp qeyd edib.
Tramp əlavə edib ki, bu qaydanı pozanlara ABŞ-la istənilən formada və şəkildə ticarət aparmaq qadağan olunacaq.