BAKI, AzerVoice

Pakistanın baş naziri Şahbaz Şərif ABŞ dövlət katibi Marko Rubio ilə telefon danışığında Cammu və Kəşmirdəki terror aktından sonra bölgədə baş verən son hadisələri müzakirə edib.

AzerVoice xəbər verir ki, Pakistan Baş Nazirlik ofisindən verilən açıqlamada, Baş nazir Şərif ABŞ naziri Rubio ilə telefon danışığında 22 aprel hücumundan sonra Cənubi Asiya bölgəsindəki son hadisələri çatdırıb.

Pakistanın terrorizmin bütün forma və təzahürlərini pislədiyini bildirən Şərif ölkəsinin terrorla mübarizədə oynadığı rolu vurğulayıb.

Şərif Hindistanın "artıran davranışının" narahatlıq doğurduğunu deyib və Hindistanın Pakistanı terror hücumu ilə əlaqələndirmək cəhdlərini rədd edib. Hücumla bağlı şəffaf, etibarlı və qərəzsiz araşdırma tələblərini təkrarlayan Şərif ABŞ-ı “gərginliyi azaltmağa və məsuliyyətli davranmağa” çağırıb.

Hindistan hökuməti tərəfindən Hind Suları Müqaviləsinin dayandırılmasına gəlincə, Şərif Hindistanın “sudan silah kimi istifadə etməsinin” təəssüf doğurduğunu qeyd edərək, müqavilədə hər iki tərəfin öz öhdəliklərindən birtərəfli qaydada imtina etməsi ilə bağlı heç bir müddəanın olmadığını vurğulayıb.

Qeyd edək ki, aprelin 22-də Hindistanın Pahalgam bölgəsində baş verən silahlı hücum nəticəsində 26 mülki şəxs həyatını itirib. Hindistan hökuməti bu hadisənin məsuliyyətini dərhal Pakistanla əlaqəli silahlı qrupların üzərinə qoyub, lakin buna dair konkret sübut təqdim edilməyib. Bundan sonra Hindistan tərəfi sərhəddə hərbi fəallığı artırıb, müşahidə dronları ilə hava nəzarətini genişləndirib və orduya "əməliyyat azadlığı" verildiyini elan edib. Hindistan mediası isə paralel şəkildə Pakistan əleyhinə informasiya yayımına başlayıb.