BAKI, AzerVoice
ABŞ Prezidenti Donald Tramp, ABŞ-ın Avropa İttifaqına üzv ölkələrlə ticarət razılaşması əldə edə biləcəyinə və bunun 90 günlük müddət başa çatmadan gerçəkləşəcəyinə əmin olduğunu bildirib.
AzerVoice xəbər verir ki, bu barədə Trampın verdiyi açıqlamada deyilir.
"Razılaşma olacaq, 100%. Avropa ölkələri bunu çox istəyir. Biz ticarət sazişi bağlayacağıq. Amma bu ədalətli razılaşma olacaq" - deyə, ABŞ Prezidenti qeyd edib.
Tramp vurğulayıb ki, ABŞ digər ölkələrlə ticarət sazişi bağlamağa tələsmir.
Qeyd edək ki, Tramp bəzi ölkələrə qarşı gömrük rüsumlarının artırılmasını təxirə salmaq üçün 90 günlük müddət müəyyən etmişdi.