Bakı,AzerVoice

Misir prezidenti Əbdülfəttah əs-Sisi sentyabrın 4-də ilk dəfə Türkiyəyə səfər edəcək.

AzerVoice xəbər verir ki, Türkiyə prezidenti Rəcəb Tayyib Ərdoğan qonağı Beştəpədə rəsmi mərasimlə qarşılayacaq.

Səfərin əsas gündəmində Qəzza olacağı gözlənilsə də əsas müzakirə olunacaq məsələ iki ölkə arasındakı münasibətlər olacaq.

Görüş zamanı iki liderin sədrliyində Yüksək Səviyyəli Strateji Əməkdaşlıq Şurasının iclası keçiriləcək.

Müxtəlif sahələr üzrə müqavilələr imzalanacaq.

Qeyd edək ki, Prezident Ərdoğanın 14 fevral 2024-cü ildə Misirin paytaxtı Qahirəyə səfəri iki ölkə arasındaki münasibətlərdə yeni səhifə açmışdı. Ərdoğanın 12 ildən sonra etdiyi ilk ziyarətlə gözlər Sisinin cavab səfərinə çevrilmişdi.

Görüş zamanı İsrailin Qəzzaya hücumlarının dayandırılması, bölgədə atəşkəsin təmin edilməsi və Netanyahu hökumətinin mühakimə olunması üçün atıla biləcək birgə addımlar müzakirə ediləcək.

Fələstin ilə yanaşı Liviya, Sudan və Somali kimi regional məsələlərin də müzakirə olunması gözlənilir.

İki ölkə arasında 10 milyard dollara çatan ticarət həcminin 15 milyard dollara çatdırılması planlaşdırılır. Bu məqsədə çatmaq üçün atılacaq addımlar müzakirə olunacaq.

Həmçinin Sisinin iqtisadi məsələlərin müzakirəsi üçün Türkiyəyə iş adamları ilə gedəcəyi bildirilir.

Mayeləşdirilmiş qaz ixracı, mədənçilik, səhiyyə, turizm və müdafiə sənayesi sahələri üzrə əməkdaşlıq məsələləri müzakirə olunacaq.

Hər iki ölkənin universitetləri arasında əməkdaşlığın artırılması səyləri, media və kommunikasiya sahəsində aparılacaq araşdırmalar da müzakirə olunacaq məsələlər arasındadı.