Bakı. AzerVoice:
Meksika Birləşmiş Millətlər Təşkilatının (BMT) 1948-ci il tarixli Soyqırımın qarşısının alınması və cəzalandırılmasına dair Konvensiyası çərçivəsində Cənubi Afrika Respublikasının İsrailə qarşı açdığı məhkəmə iddiasında iştirak etmək istəyir.
AzerVoice xəbər verir ki, bu barədə Beynəlxalq Ədalət Məhkəməsindən yazılı açıqlama verilib.
Qeyd edək ki, yanvar ayından Kolumbiya və Liviya da məhkəmə işinə qoşulmaq niyyətində olduqlarını bəyan ediblər. Misir və Türkiyə də daxil olmaqla digər ölkələr də qoşulacaqlarını bildiriblər.
Cənubi Afrika Respublikası 29 dekabr 2023-cü ildə BMT-nin (BMT) 1948-ci il Soyqırımın qarşısının alınması və cəzalandırılmasına dair Konvensiyasını pozduğuna görə İsrailə qarşı Beynəlxalq Ədalət Məhkəməsində iddia qaldırmışdı.
