BAKI, AzerVoice

NATO xarici işlər nazirləri aprelin 2-4-də Brüsseldə görüşəcək. İclasda xarici işlər naziri Hakan Fidanın da iştirakı gözlənilir.

AzerVoice xəbər verir ki, Nazir Fidanın görüş çərçivəsində bir çox həmkarı ilə də ikitərəfli görüşlər keçirəcəyi gözlənilir.

Avropanın təhlükəsizlik arxitekturasının yenidən formalaşdırıldığı bir vaxtda keçiriləcək kritik toplantıda; Rusiya-Ukrayna müharibəsi, transatlantik münasibətlər, ABŞ-ın Ukrayna siyasəti, NATO-nun təhlükəsizlik və müdafiə siyasəti müttəfiqlərin gündəmindəki ən qaynar mövzulardandır.

Brüsseldə keçiriləcək görüş oktyabrın 1-də NATO-nun baş katibi vəzifəsini icra etməyə başlayan Mark Ruttenin iştirakı ilə keçirilən ilk Xarici İşlər Nazirləri Toplantısı olacaq. Bu, həm də ABŞ dövlət katibi Marko Rubionun vəzifəyə başlamasından sonra ilk NATO Xarici İşlər Nazirləri Toplantısı olacaq. Mövzu ilə bağlı ABŞ Dövlət Departamentindən verilən yazılı açıqlamada Rubionun ittifaqın təhlükəsizlik prioritetləri, müdafiə xərclərinin artırılması və Ukraynada sülhün təmin edilməsi kimi mövzuları müzakirə edəcəyi, Rubionun Çin təhlükəsini də gündəmə gətirəcəyi bildirilib.