BAKI,AzerVoice
Rusiya Prezidenti Vladimir Putin və ABŞ Prezidenti Donald Tramp arasında sabah baş tutacaq telefon danışığı üçün hazırlıqlar davam edir.
AzerVoice xəbər verir ki, Moskvada jurnalistlərin suallarını cavablandıran Peskov, Trampın sabah Putinlə telefon əlaqəsi quracağı barədə verdiyi açıqlamanı təsdiqləyib.
"Bəli, bu həqiqətdir. Çərşənbə axşamı üçün belə bir görüş hazırlanır", – deyə Peskov vurğulayıb.
O, telefon danışığında hansı mövzuların müzakirə ediləcəyi barədə sualı isə cavabsız qoyub.
Peskov, ABŞ-da Amerikanın Səsi və bəzi media qurumlarının bağlanması məsələsinə də toxunaraq, bu media orqanlarının Rusiyada geniş auditoriya qazanmadığını bildirib.
"Bu, ABŞ-ın suveren qərarıdır", – deyə Kremlin sözçüsü qeyd edib.
Bundan əlavə, Peskov, Prezident Putinin cəbhədəki Rusiya hərbçiləri ilə daim əlaqə saxladığını vurğulayıb. O, həmçinin Tacikistanın Rusiyanın yaxın tərəfdaşı və müttəfiqi olduğunu qeyd edib.