Bakı, AzerVoice:
İraq neftinin böyük hissəsini Çin şirkətləri alır.
AzerVoice bu barədə İraqın Neft Marketinqi üzrə Dövlət Təşkilatına (SOMO) istinadən məlumat verir.
Məlumata əsasən, 2023-cü ilin dekabrında Çinin ümumilikdə 44 şirkəti İraqdan neft alıb.
“2023-cü ilin dekabr ayında Hindistanın yeddi neft korporasiyasının İraq xam neftini alması ilə Hindistan Çindən sonra İraqdan neft alan ikinci ölkə olub. Alınan neftin həcminə görə, Türkiyə bu siyahıda üçüncüdür. ABŞ, İtaliya, Yaponiya, BƏƏ və Yunanıstanın hər birində iki neft şirkəti, eləcə də İspaniya, Hollandiya, İngiltərə, İordaniya, Küveyt, Rusiya, Malayziya, Azərbaycan və Fransanın hər birinin bir neft şirkəti İraqdan neft idxal edib”, -deyə məlumatda bildirlir.
Məlumat üçün bildirək ki , 2023-cü ilin dekabr ayında, İraqın neft ixracı gəlirləri 8,3 milyard dolları keçib.
SOMO-nun məlumatına əsasən, dekabr ayı ərzində xam neftin ümumi ixracı 108,05 milyon bareldən çox olub.