Bakı,AzerVoice
İsrailin baş naziri Benyamin Netanyahu çərşənbə günü deyib ki, İsrail Livana qarşı “güclü cavaba” hazırlaşır. AzerVoice xəbər verir ki, Netanyahu bunu ölkənin şimal bölgələrinə səfəri zamanı deyib.
“Kim bizə zərər verəcəyini və bizim də boş oturacağımızı düşünürsə, böyük səhv edib. Biz şimalda çox güclü işlər görməyə hazırıq”-deyə o bildirib.
İsrail rəsmisi qeyd edib ki , ölkə ordusu bvə ya digər şəkildə şimalda təhlükəsizliyi bərpa edəcək.
Qeyd edək ki , daha öncə İsrailin milli təhlükəsizlik naziri İtamar Ben Qvir Livanla sərhəddəki əməliyyatların onun nəzarətində olmasını tələb edib.
