BAKI,VOA Orxan Qədirzadə
Suriyanın paytaxtı Dəməşqdə Fransa Prezidenti Emmanuel Makronun qaldığı otelin yaxınlığında iki partlayış baş verib.
Yerli mənbələrin məlumatına görə, partlayışlar Turizm Nazirliyinin binasının yerləşdiyi ərazidə qeydə alınıb. Bildirilir ki, paytaxtın ən hərəkətli küçələrindən birində mikroavtobusa və zibil konteynerinə yerləşdirilmiş partlayıcı qurğular işə salınıb.
Hadisə yerinə çoxsaylı təcili tibbi yardım briqadaları və təhlükəsizlik qüvvələri cəlb olunub. Ölən və ya yaralananların olub-olmaması ilə bağlı hələlik rəsmi məlumat açıqlanmayıb.
Məlumata görə, partlayışlar Fransa Prezidenti Emmanuel Makronun Şama səfəri zamanı qaldığı otelin yaxınlığında baş verib.
Hadisə baş verən vaxt Makronun Suriya Prezidenti Əhməd Şaraa ilə görüş keçirmək üçün Prezident Sarayında olduğu bildirilib.