BAKI,VOA,Yusif Şərifzadə
İsrail hökuməti İsrail və Livan arasında əldə olunan çərçivə sazişini ölkənin tələblərinə cavab verdiyi üçün “qələbə” kimi qiymətləndirir.
VOA xəbər verir ki, İsrail rəsmiləri razılaşmanın İsrailə Livandakı “təhlükəsizlik zonasında” qalmaq imkanı verdiyini bildirirlər.
Məlumata görə, saziş İsrailə zərurət yarandıqda hərbi əməliyyat aparmaq azadlığı və mərhələli geri çəkilmə mexanizmi də nəzərdə tutur.
Baş nazir Benyamin Netanyahu və hökumət daxilində bir sıra rəsmilər bu razılaşmanı müsbət nəticə kimi təqdim ediblər.
Bildirilib ki, müxalifətin mövqeyi hələlik tam açıqlanmasa da, ümumilikdə sazişin daxili siyasi mübahisələrə səbəb olacağı gözlənilmir.
Eyni zamanda, bəzi qiymətləndirmələrə görə, razılaşma Livan hökuməti ilə Hizbullah arasında gərginliyi artıraraq daxili siyasi ziddiyyətləri dərinləşdirə bilər.