BAKI,VOA,Yusif Şərifzadə
İsrailin maliyyə naziri Bezalel Smotriç Fələstin tərəfinin işğal altındakı Qərb Sahilinin Hebron şəhərində yerləşən İbrahimiyyə məscidi üzərində səlahiyyətlərinin əlindən alındığını bildirib.
VOA xəbər verir ki, Smotriç bu barədə sosial şəbəkə hesabında paylaşım edib.
Nazirin sözlərinə görə, qərar Hebron şəhər bələdiyyəsinin və müqəddəs məkanlarla bağlı bir sıra səlahiyyətlərinin ləğvini nəzərdə tutur.
O qeyd edib ki, bu addım “praktik suverenlik və idarəetmə” istiqamətində atılan mühüm bir mərhələdir.
Smotriç eyni zamanda Hebron yaxınlığında yeni İsrail yaşayış məntəqəsinin təməlqoyma mərasimində iştirak edib.
Məlumata görə, İsrail son onilliklərdə Hebronun Köhnə şəhər hissəsində məhdudiyyətləri artıraraq İbrahimiyyə məscidi üzərində nəzarətini gücləndirib.