BAKI,VOA,Yusif Şərifzadə
İsrail ordusu şənbə günü Şimali Qəzzada İsrail qüvvələrinə qarşı tezliklə hücumlar planlaşdırdığı və İsrail daxilində əməliyyatları yönəltdiyi iddia edilən bir Fələstin döyüşçüsünü öldürdüyünü açıqlayıb.
VOA xəbər verir ki, ordunun X sosial platformasında yayımladığı açıqlamada əməliyyatın Cənub Komandanlığı tərəfindən həyata keçirildiyi bildirilib. Bildirilir ki, qüvvələr hələ də atəşkəs razılaşmalarına uyğun olaraq bölgədə yerləşdirilib, lakin hər hansı təcili təhdidi aradan qaldırmaq üçün əməliyyatlar davam etdiriləcək.
Qeyd olunur ki, Hüquq müdafiə təşkilatları, Fələstin rəsmiləri, şahid ifadələri və İsrailin öz məlumatları bir neçə dəfə Qəzzada öldürülənlərin həqiqətən döyüşçü olub-olmadığını şübhə altına alıb.