BAKI,VOA
İranın İslam İnqilabı Keşikçiləri Korpusu (İİKK) bildirib ki, İran neft tankerlərinə və kommersiya gəmilərinə qarşı hər hansı hücum ciddi cavab tədbirləri ilə qarşılanacaq. İİKK-nın dəniz qüvvələri yayılan bəyanatda qeyd edib ki, belə bir addım ABŞ-nin regiondakı hədəflərinə və düşmən gəmilərinə qarşı “ağır zərbələrlə” cavablandırılacaq.
VOA xəbər verir ki, bəyanat, İran, ABŞ və İsrail arasında Fars körfəzində artan gərginlik fonunda yayılıb.
Eyni zamanda İİKK-nın Aerokosmik Qüvvələrinin komandiri Məcid Musəvi İranın raket və dronlarının “düşmən hədəflərinə yönəldiyini” və veriləcək əmrə əsasən dərhal istifadə oluna biləcəyini vurğulayıb.
Bölgədə təhlükəsizlik vəziyyəti gərginləşdiyi bir vaxtda Böyük Britaniya da "HMS Dragon" adlı hərbi gəmini Fars körfəzinə göndərib. Gəminin beynəlxalq dəniz marşrutlarının qorunması missiyasına qoşula biləcəyi bildirilir.