Səudiyyə Ərəbistanı Xarici İşlər Nazirliyi ölkənin baş diplomatı ilə iranlı həmkarı arasında strateji telefon danışığının baş tutduğunu elan edib.
VOA xəbər verir ki, Nazirliyin rəsmi bəyanatına görə, tərəflər regionda artan gərginliyin azaldılması yollarını və təhlükəsizliyin bərpası mexanizmlərini müzakirə ediblər:
"Xarici işlər naziri iranlı həmkarı ilə telefon danışığı zamanı regionda gərginliyin məhdudlaşdırılması və təhlükəsizliyin geri qayıtması yollarını müzakirə edib."-deyə bəyanatda bildirilir.
Bəyanatda həmçinin vurğulanıb ki, nazirlər bölgədə sabitliyin yenidən bərqərar olması üçün diplomatik kanalların gücləndirilməsinin vacibliyinə toxunublar. Analitiklər bu təması Pakistanın vasitəçiliyi ilə başlayan sülh prosesinin mühüm tərkib hissəsi və regional gərginliyin de-eskalasiyası istiqamətində atılan növbəti addım kimi qiymətləndirirlər.