BAKI,VOA, Fərid Mikayılov

Livan Prezidenti Cozef Aun ölkəsinin üzləşdiyi dağıdıcı hərbi münaqişə və regional gərginliklə bağlı strateji bəyanatla çıxış edib.

VOA xəbər verir ki, dövlət başçısı müharibənin qarşısını almağın yollarından danışaraq, Livanın suverenliyi və silahlı qruplaşmaların statusu ilə bağlı geri dönülməz qərarlarını açıqlayıb.

Prezidentin bəyanatında rəsmi Beyrutun həm İsrailə, həm də ölkə daxilindəki hərbi amillərə yönəlmiş üç əsas mesajı yer alıb.

Prezident vurğulayıb ki, hazırkı hərbi qarşıdurmanın qarşısını almaq üçün real diplomatik imkanlar mövcud idi:

"Əgər İsrail bizim torpaqlarımızdan tamamilə geri çəkilsəydi və hərbi əməliyyatların dayandırılması barədə əvvəlki razılaşmalara ciddi şəkildə əməl etsəydi, bu müharibədən qaçmaq mümkün olardı."-deyə o bildirib.

Livan lideri ölkəsinin artıq regional güclərin qarşıdurma poliqonuna çevrilməsinə icazə verməyəcəyini qəti şəkildə ifadə edib

"Livan başqalarının müharibələrini öz torpaqlarında apara bilməz və aparmayacaq."-deyə o qeyd edib.

Aun qeyd edib ki, Livan xalqı artıq regional geosiyasi oyunların bədəlini ödəmək niyyətində deyil.