BAKI,VOA, Nailə Babazadə
İsrail ordusu, atəşkəs elan olunmasına baxmayaraq, Qəzza zolağına hücumlarını davam etdirir. Qəzzadakı Səhiyyə Nazirliyi 2023-cü ilin oktyabr ayından bu yana davam edən hücumlarda yaşanan can itkiləri ilə bağlı son məlumatları paylaşıb.
VOA xəbər verir ki, nazirliyin yazılı açıqlamasında bildirilir ki, Ramazan bayramının başladığı 20 mart tarixindən bəri Qəzzadakı xəstəxanalara 9 meyit və 30 yaralı gətirilib. Qəzzada atəşkəsin qüvvəyə mindiyi 10 oktyabr 2025-ci ildən bəri İsrailin hücumları nəticəsində 687 nəfərin öldürüldüyü, 1845 nəfərin yaralandığı, dağıntılar altından isə 756 cənazənin çıxarıldığı qeyd edilib.
Son rəsmi məlumatlara görə, 2023-cü ilin oktyabr ayından bəri Qəzza zolağında həyatını itirənlərin ümumi sayı 72 263-ə, yaralı sayı isə 171 944-ə yüksəlib. Qəzza zolağında dağıntılar altında hələ də minlərlə cənazənin qaldığı bildirilir.