BAKI, VOA, Nailə Babazadə

İsrail hərbi hava qüvvələrinin martın 2-də Livana qarşı başlatdığı intensiv hava hücumları davam edir. İsrail ordusu xalqı yaşayış yerlərini tərk etməyə məcbur etdiyi paytaxt Beyrutun Dahiyə bölgəsini hədəf alıb.

VOA xəbər verir ki, məlumata görə, İsrail döyüş təyyarələri bir saat ərzində Dahiyə bölgəsinə iki hava zərbəsi endirib. Hücumlardan sonra güclü partlayış səsləri eşidilib və ərazidən qara tüstülər yüksəlməyə başlayıb. Eyni zamanda, İsrailə məxsus pilotsuz uçuş aparatı (PUA) Beyrut üzərində alçaq hündürlükdə uçuşlar həyata keçirir.

Digər tərəfdən, İsrail ordusu "Hizbullah"ın infrastrukturunu hədəf aldığını iddia edərək Beyrutun müxtəlif nöqtələrinə hücumlar təşkil etdiyini rəsmən bəyan edib.

İsrail ordusu martın 2-də verdiyi açıqlamada, Livandan raket atıldığının müəyyən edilməsindən sonra ölkənin şimalında həyəcan siqnallarının işə düşdüyünü bildirmişdi. Livanın ümumisində hava hücumlarına başladığını elan edən və paytaxt Beyrutu hədəf alan İsrail ordusu, havadan və dənizdən həyata keçirdiyi intensiv zərbələrdən sonra quru işğalını genişləndirmək qərarı alıb.

Livanın Səhiyyə naziri Reken Nasreddin dünən verdiyi açıqlamada, martın 2-dən bu yana İsrailin hücumları nəticəsində ölənlərin sayının 100 nəfər artaraq 394-ə, yaralıların sayının isə 1130-a yüksəldiyini bildirib.