BAKI, AzerVoice, Nailə Babazadə

İsrail ordusu atəşkəsə baxmayaraq Qəzza Zolağının bir neçə bölgəsinə hücum edərkən 3-ü uşaq olmaqla 5 Fələstinlini həlak olub.

Səhiyyə mənbələrindən əldə edilən məlumatlara görə, İsrail ordusu Qəzzanın cənub və şimal bölgələrinə hücumlar həyata keçirərkən hadisələrdə 3-ü uşaq olmaqla 5 Fələstinli həlak olub, 5 nəfər yaralanıb.

İsrail ordusunun həyata keçirdiyi hücumda Qəzzanın cənubunda yerləşən Mevasi bölgəsində 16 yaşlı Kerem Zanun və 17 yaşlı Cihad Şefkanın həlak olduğu bildirilib.

Şahidlərin sözlərinə görə, Fələstinli uşaqların olduğu bölgədən Xan Yunis şəhərindəki Nəsir Xəstəxanasına köçürülə bilmədikləri üçün həyatlarını itiriblər.

İsrailin Qəzzanın orta və cənub bölgələrinə həyata keçirdiyi hava hücumları və top atəşləri nəticəsində 5 Fələstinlinin yaralandığı qeyd olunub.

Qeyd edək ki, Qəzzada 10 Oktyabrda qüvvəyə minən atəşkəs anlaşmasının qarşıdurmaları dayandırması gözlənilsə də, İsrail bu anlaşmanı demək olar ki, hər gün pozur.

İsrail ordusunun atəşkəsə baxmayaraq həyata keçirdiyi hücumlarda Qəzzada yüzlərlə insan öldürülüb və yaralanıb.

İsrailin Qəzza Zolağına 2023-cü ilin oktyabr ayında başladığı hücumlarda 70 min 369 Fələstinli həyatını itirib, 171 min 69 nəfər yaralanıb.