BAKI, AzerVoice
Dünyanın müxtəlif ölkələrindən gələn yüzlərlə fəal Misirdə toplanaraq Qəzza zolağına doğru yürüşə başlamağa hazırlaşır.
AzerVoice xəbər verir ki, onlar Sinay səhrasını piyada keçərək İsrailin Qəzzaya tətbiq etdiyi mühasirəyə etiraz etməyi və Fələstin xalqına qarşı həyata keçirilən soyqırımın dayandırılması üçün beynəlxalq diqqət çəkməyi hədəfləyirlər.
Təşkilatçılar bildiriblər ki, bu yürüş sülh mesajı daşıyır və İsrailin Qəzzadakı mülki əhaliyə qarşı tətbiq etdiyi blokadanın beynəlxalq hüquqa zidd olduğunu nümayiş etdirmək məqsədi daşıyır.
Fəalların Qəzza sərhədinə yaxınlaşması gözlənilir, lakin təhlükəsizlik qüvvələrinin buna necə reaksiya verəcəyi hələlik bəlli deyil.
Aksiyanın yaxın günlərdə başlaması planlaşdırılır. Təşkilatçılar yürüşün tam dinc xarakter daşıyacağını vurğulayıb.