Bakı. AzerPress:
Türkiyənin milli aviasiya mühərrikinin yaxın zamanda tanıdılması planlaşdırılır.
AzerPress-in məlumatına görə, bu barədə Türkiyə Aerokosmik Sənayesinin (TUSAŞ) Baş direktoru Mahmut Aktiş deyib.
“Biz gələcək üçün potensialın artdığını, yeni müəssisələrin, yeni tərəfdaşların, kimin hansı bacarıqlara sahib olduğunu görürük. Ölkəmizin mövcud kapital ehtiyatlarını əlavə pul xərcləmədən və investisiya qoymadan daha yüksək məhsula və gücə çevirmək çox vacibdir.” – deyə Aktiş qeyd edib.
O bildirib ki, bir müddətdir üzərində çalışdıqları milli aviasiya mühərriki TEI-TF6000-in yaxın zamanda tanıdılması planlaşdırılır.
“Bacardığımız qədər sürətlə işləyirik. Dizayn tamamilə millidir. Mühərrikin əsas gövdəsini və əsas nüvəsini özümüz istehsal edirik. Bu həftədən demək olar ki, bütün istehsal tamamlanıb. Hal-hazırda xırda detallar üzərində iş davam etdirilir.” –deyə Mahmut Aktiş qeyd edib.
O bildirib ki, milli mühərriklər artıq kütləvi istehsala girəcək.
Hafiz Rufizoğlu
Xəbərlərimizi “WhatsApp” kanalımızdan oxuyun
