Bakı. AzerPress:
Beynəlxalq Dəniz Təşkilatının (IMO) Londonda keçirilən 33-cü Baş Assambleyasının iclası çərçivəsində Türkiyə yenidən təşkilatın şura üzvlüyünə qəbul edilib.
AzerPress xəbər verir ki, bu barədə Türkiyə Xarici İşlər Nazirliyi məlumat yayıb.
"Türkiyə dənizçilik sahəsindəki imkanları və təcrübəsi sayəsində IMO araşdırmalarına konkret töhfələr verməyə davam edəcək”, - deyə nazirlikdən bildirilib.
Qeyd edək ki, Türkiyə ilk dəfə 1999-cu ildə Beynəlxalq Dəniz Təşkilatının şura üzvü seçilib.