Bakı, AzerVoice

İsrailin xarici işlər naziri Yisrael Katzın Türkiyə prezidenti Rəcəb Tayyib Ərdoğanı hədəf alan sözlərinə Türkiyədən reaksiyalar bir-birinin ardınca gəlib.

AzerVoice xəbər verir ki, İsrail xarici işlər naziri öz sosial media hesabından Ərdoğanı hədəf alan açıqlamalar verib. Bunun üzərinə Türkiyədən bir-birinin ardınca cavablar gəlib.

Vitse-prezident Cevdet Yılmaz sosial media hesabından verdiyi açıqlamada məzlum Fələstin xalqını, dinindən asılı olmayaraq hər kəs üçün ədaləti, regional sabitliyi və qlobal sülhü müdafiə etməyə davam edəcəklərini bildirib. "İnsanlıq gec-tez qalib gələcək. Bugünkü Hitlerlərin və nasist düşüncəli insanların sonu isə tarixdə baş verənlərdən fərqli olmayacaq.",-deyə qeyd edib.

Xarici işlər naziri Hakan Fidan da sosial media hesabından münasibət bildirib.

"Prezidentimiz insanlıq vicdanının səs olmuşdur. Bu haqlı səsi boğmaq istəyən beynəlxalq sionist dairələr, xüsusilə də İsrail böyük təşviş içərisindədir. Tarix bütün soyqırım törədənlər və onların tərəfdarları üçün eyni şəkildə nəticələnmişdir".

Daxili İşlər Naziri Ali Yerlikaya, “Xəstəxanaları, mülki düşərgələri, məscidləri, evləri və məktəbləri bombalayan, minlərlə fələstinli qardaşımızı şəhid edən soyqırımçı İsrail dövlətinin lovğa xarici işlər nazirini şiddətlə qınayıram” deyərək reaksiyasını bildirib.

Nəqliyyat və İnfrastruktur Naziri Abdülkadir Uraloğlu, "Vəhşilikləri beynəlxalq hüquqla qeydə alınan, əlləri körpə, uşaq və qadın qanına bulaşan işğalçı İsrailin xarici işlər nazirini qınayır və xəbərdar edirəm. Tökdüyünüz qanın içində boğulacaqsınız və Türkiyə həmişə sizin qarşınızda olacaq”,- deyə ifadə edib.