Bakı, AzerVoice

Fransa prezidenti Emmanuel Makron Paris Olimpiadasının onun irsini möhkəmləndirəcəyinə ümid edirdi. Lakin növbədənkənar seçkiləri ilə bağlı uğursuz “mərc” onu siyasi cəhətdən geridə qoydu və Makronun beynəlxalq səhnədəki adına kölgə saldı.

Artıq dünya liderləri Makronu kövrək bir güc kimi qəbul edirlər. Ayrıca Emmanuel gücləndirilmiş təhlükəsizlik şəraitində dünyanın ən böyük idman tədbirinə ev sahibliyi edən müvəqqəti hökumətə rəhbərlik edən qeyri-populyar prezident obrazı yarada bilib.

Lovğa Makronun hazırkı vəziyyətini ən yaxşı fransız tarixçi Patrick Weil təsvir edib. O qeyd edib ki, "Makron oyunları bir imperator kimi qarşılayacağını gözləyirdi. Ancaq o artıq topal ördəkdir”

Bazar ertəsi Olimpiya Kəndini gəzən Makron parlamenti buraxmaq qərarını müdafiə etdi və bundan sonra yaranacaq siyasi qeyri-sabitliyin oyunlara kölgə salacağını qəbul etmədi.

“Burda qeyri adı bir şey yoxdur. Olimpiadadan əvvəl görülməli işləri gördük. İndi bütün diqqətimizi Oyunlara cəmləyə bilərik”-deyə Makron bildirib.

ifrat sağçı deputat Julien Odoul isə, “Olimpiada ölkəmiz üçün əla fürsət, qeyri-adi məqam, möhtəşəm nümayişdir. Ancaq Olimpiya Oyunlarına baxmayaraq, vətəndaşlarımızın problemləri hələ də davam edir. Bu parlament isə hazırda buna cavab vermək iqtidarında deyil”, - deyə bildirib.