Bakı. AzerVoice:
Türkiyə olaraq bu çətin və kədərli günlərdə həmişəki kimi qardaş İran xalqının yanında olacağıq.
AzerVoice xəbər verir ki, bu sözləri Türkiyə prezidenti Rəcəb Tayyib Ərdoğan deyib.
"Yanvar ayında Türkiyəyə səfəri çərçivəsində Rəisi ilə çox sıx dialoq apardıq. Onun bölgədə sülhün bərqərar olması üçün göstərdiyi səmimi səylərin şahidi olduq. İran xalqına öz adımdan və millətim adından başsağlığı diləyirəm", - deyə o əlavə edib.
Qeyd edək ki, 19 may tarixində İran prezidenti İbrahim Rəisi, xarici işlər naziri Hüseyn Əmir Abdullahian, İranın Ali Liderinin Təbriz üzrə nümayəndəsi Məhəmməd Əli Ali Haşim, Şərqi Azərbaycan vilayətinin valisi Malik Rəhmətini Xudafərindən Təbrizə aparan helikopter vilayətin Vərzəqan rayonunda qəzaya uğrayıb. Qəza nəticəsində doqquz nəfər həlak olub.