Bakı,AzerVoice
Avropa Şurası Parlament Assambleyasının Azərbaycanla bağlı qərarı demokratik dəyərlərə uyğun deyil və təmsilçilik hüququna ziddir.
AzerVoice xəbər verir ki, bu barədə Türkiyə Xarici İşlər Nazirliyinin bəyanatında bildirilib.
"Avropa Şurası Parlament Assambleyasının (AŞPA) Azərbaycan Milli Nümayəndəliyinin etimadnaməsinin təsdiq edilməməsi ilə bağlı qərarından təəssüflənirik. Aydındır ki, əməkdaşlıq və dialoq kanallarının bağlanması mənasını verən bu addım regionda sülhün və sabitliyin təmin olunmasına xidmət etməyəcək. Türkiyə AŞPA-nı bu səhvi tez bir zamanda düzəltməyə və Cənubi Qafqazda sülh səylərinə diqqət yetirməyə dəvət edir", - deyə bəyanatda qeyd edilib.
Qeyd edək ki, AŞPA-da formalaşmış dözülməz irqçilik, azərbaycanofobiya və islamofobiya mühiti qarşısında Azərbaycan nümayəndə heyəti növbəti xəbərdarlığa qədər AŞPA-da qarşılıqlı əlaqəni və fəaliyyətini dayandırmaq qərarına gəlib.