Bakı. AzerVoice:
İsrail daha çox torpaq ələ keçirmək istəyir.
AzerVoice-nin məlumatına görə, bu barədə Türkiyə xarici işlər naziri Hakan Fidan deyib.
Fidan vurğulayıb ki, İsrailin təhlükəsizliyi məsələsi dünya ictimai rəyində daim gündəmə gətirilir.
O bildirib ki, İsrail dünya ictimaiyyətinə yalan danışmağı dayandırdıqda özünü təhlükəsiz hiss edəcək.
"İsrail təhlükəsizlik məsələsini düşünmür. İsrailin məqsədi daha çox torpaq ələ keçirməkdir. İsrail öz dövlətini fələstinlilərə verdiyi gün təhlükəsiz olacaq"-deyə nazir qeyd edib.
O xatırladıb ki, onlar regional ölkələr olaraq məsuliyyəti öz üzərlərinə götürməyə hazır olduqlarını dəfələrlə bəyan ediblər.
“İki dövlət həllini gündəmə gətirərkən bu dəfə fərqli olan metodoloji təminat mexanizmini ortaya qoymağımızın səbəbi də bu idi.” -deyə Hakan Fidan bildirib.
Hafiz Rufizoğlu