Foto: Rusiya XİN/Global Look Press

Bakı. AzerVoice:

Fələstinin xarici işlər naziri Riyad əl-Maliki Avropa İttifaqına üzv ölkələrin xarici işlər nazirlərinin Brüsseldə keçirilən iclası çərçivəsində Fransa, Polşa, İsveç, İspaniya və Kiprdən olan həmkarları ilə danışıqlar  zamanı Aİ-ni İsrailə təzyiq göstərməyə çağırıb. Bu haqda AzerVoice Fələstinin WAFA xəbər agentliyinə istinadən məlumat verir.

Məlumata əsasən, Fələstin tərəfinin nümayəndəsi həmkarlarını Qəzza zolağının cənubundakı Xan Yunis şəhərindəki vəziyyətlə bağlı da məlumatlandırıb .
“Beynəlxalq ictimaiyyət təcavüzü dayandırmaq və regionda vəziyyətin pisləşməsinin qarşısını almaq üçün İsrailə təzyiq göstərmək öhdəliyi daşıyır.İsrailə təzyiq həm də regionda atəşkəsə nail olmağa kömək edəcək ki, bu da humanitar yardım axınını artıracaq və müharibədən sonrakı gələcək haqqında danışmaq imkanı yaradacaq.
İsrail Qətər və Misirdəki vasitəçilər vasitəsilə HƏMAS hərəkatına bütün girovların azad edilməsi şərti ilə Qəzza zolağında hərbi əməliyyatları iki ay müddətinə dayandırmağı təklif edib”-deyə Maliki bildirib.