Bakı,AzerVoice
Yəmən husiləri Ədən körfəzində Amerikanın Chem Ranger gəmisinə raket zərbəsi endirib. AzerVoice-nin məlumatına görə, bu barədə “Ənsar Allah” üsyançı hərəkatının hərbi nümayəndəsi Yəhya Səriya bildirib."Yəmən donanması, Amerikanın Chem Ranger gəmisinin Ədən körfəzində bir neçə gəmi əleyhinə raketlə hücuma məruz qaldığı bir əməliyyat həyata keçirdi", - deyə, Səriya bildirib.Hərəkatın sözçüsü iddia edir ki, husilər gəmiyə birbaşa zərbə endiriblər. O, həmçinin qeyd edib ki, hücum ABŞ və İngiltərənin Yəməndəki “Ənsar Allah” hədəflərinə endirdiyi zərbələrə cavab olaraq həyata keçirilib.Məlumat üçün bildirək ki, bundan əvvəl Böyük Britaniya Hərbi Dəniz Qüvvələrinin Dəniz Ticarət Koordinasiya Mərkəzi (UKMTO) cümə axşamı Yəmən sahilləri yaxınlığında baş verən iki insident barədə məlumat vermişdi.
