BAKI,VOA,Yusif Şərifzadə

İran Xarici İşlər Nazirliyi Yəmənin paytaxtı Sənadakı Beynəlxalq Hava Limanına endirilən zərbəni pisləyib və bu addımı beynəlxalq hüququn pozulması kimi qiymətləndirib.

VOA xəbər verir ki, İran Xarici İşlər Nazirliyinin sözçüsü İsmayıl Bəqayi dövlət mediasında yayımlanan açıqlamasında Səna hava limanına hücumu “beynəlxalq hüququn və Birləşmiş Millətlər Təşkilatının Nizamnaməsinin açıq pozuntusu” adlandırıb.

İsmayıl Bəqai bildirib ki, hücum Yəmənin milli suverenliyinə və ərazi bütövlüyünə hörmətsiz münasibət göstərildiyini nümayiş etdirir.

Yəmənin Səudiyyə Ərəbistanının dəstəklədiyi hökuməti isə daha əvvəl Səna Beynəlxalq Hava Limanına zərbə endirdiyini açıqlayıb.

Rəsmi Səna bildirib ki, əməliyyatın məqsədi İran təyyarəsinin hava limanına enişinin qarşısını almaq olub.

Hadisə Yəməndə onsuz da mürəkkəb olan siyasi və hərbi vəziyyəti daha da gərginləşdirib. İranın reaksiyası və husilərin mümkün cavab addımları regionda yeni qarşıdurma ehtimalını artırıb.

Beynəlxalq müşahidəçilər Yəməndə baş verən son hadisələrin regional təhlükəsizliyə təsir edə biləcəyini bildirirlər.