BAKI,VOA,Yusif Şərifzadə
İranın Sirik şəhərinə ABŞ tərəfindən həyata keçirildiyi bildirilən zərbə nəticəsində üç nəfərin öldüyü, 15 nəfərin isə yaralandığı açıqlanıb.
VOA xəbər verir ki, İranın ISNA xəbər agentliyinin məlumatına görə, hücum yerli hakimiyyət orqanlarının açıqlamasına əsasən, Sirik şəhərində yerləşən balıqçılıq körpüsünü hədəf alıb.
Məlumata görə, zərbə nəticəsində üç nəfər həyatını itirib, daha 15 nəfər müxtəlif dərəcəli xəsarətlər alıb.
Hadisə ilə bağlı əlavə təfərrüatlar, o cümlədən zərbənin hansı məqsədlə həyata keçirildiyi və dağıntıların miqyası barədə rəsmi açıqlama verilməyib.
İran və ABŞ arasında artan hərbi gərginlik fonunda baş verən bu hadisə bölgədə narahatlıqları daha da artırıb.